МАХ МАГНАГ БОЛЖ, МОНГОЛЧУУД ӨЛСӨЖ БАЙНА

80 сая малтай монголчууд бид сүүлийн үед мах бараг идэж чадах үгүйдээ тулаад байгаа гэхэд хилсдэхгүй. Өчигдөр буюу зургадугаар сарын 9-ний байдлаар бидний Дэнжийн 1000 гэж нэрлэж заншсан “Хүчит шонхор”худалдааны төвд хонины ястай мах кг нь 10 мянга,цул мах кг нь 11 мянган төгрөгний үнэтэй байна. Харин гадаах чингэлэгүүдэд гулууз мах кг нь 8800-9200 төгрөг аж .”Бөмбөгөр” худалдааны төвд ястай нь 12 мянга, цул нь 12500, “Номин” супермаркетэд ястай нь 12 мянга, цул нь 13500, “Меркури” худалдааны төвд ястай,ясгүй ижилхэн 13500 төгрөгийн үнэтэй байна.